Текст
«Қолөнер әлеміне саяхат»
«Достық» жазғы демалыс алаңындағы танымдық іс-шара
Жазғы демалыс балалар үшін тек тынығу ғана емес, танымын кеңейтіп, ұлттық құндылықтарды сіңіретін уақыт. Осы мақсатта «Достық» демалыс алаңында «Қолөнер әлеміне саяхат» атты қызықты әрі тәрбиелік мәні зор іс-шара өтті.
Іс-шара барысында балалар қазақтың дәстүрлі қолөнер түрлерімен танысып, жүн сабау, арқан есу, киіз басу, кесте тігу және тоқу секілді ұлттық өнерлерден шеберлік сабақтарын тамашалады. Шеберлер әр бұйымның шығу тарихы мен қолданылу жолдарын түсіндіріп, балаларға өз қолымен жасаудың алғашқы қадамдарын көрсетті.